டெல்லியில் பெருநாள் தொழுகையை சீர்குலைக்க சதி

இமாம் கடத்தல் மதவெறியர்களின் கைவரிசை
ஹபீபா பாலன்புதுடெல்லியில் ரோஹினி 9வது செக்டரில் ரஜபூர் பகுதியில் உள்ள முஸ்லிம் கள் பெருநாள் தொழுகைக்காக அந்தப் பகுதியில் உள்ள பூங்காவைப் பயன்படுத்துவது வழக்கம். கடந்த 10 ஆண்டுகளாக திடலில் நடைபெற்றுவந்த பெருநாள் தொழுகையை முஹம்மது ஃபாஹிம் ஒருங்கி ணைத்து வந்தார். இந்நிலையில் இரண்டு நாட்களுக்கு முன்பு ஃபாஹிம் கடத்தப்பட்டார்.
ஃபாஹிமின் கூக்குரலைக் கேட்டு அப்பகுதி மக்கள் ஓடிவரவே கடத்தியவர் கள் ஃபாஹிமை செம்மையாக உதைத்துவிட்டு அவரை விட்டுச் சென்றுவிட்டனர்.
பொது பூங்காவில் பெருநாள் தொழுகை நடத்தக்கூடாது, மீறி நடத்தினால் தீர்த்து விடுவோம் என மிரட்டி விட்டே அவ்விடத்தை விட்டுச் சென்றுள்ளனர்.
10 ஆண்டுகளாக நிகழ்ந்துவந்த பெருநாள் தொழுகையை இந்த ஆண்டு சீர்குலைக்கும் அளவு சதிகாரர்களுக்கு கெடு எண்ணம் தோன்றியது ஏன்? என்பது குறித்து திடுக்கிடும் தகவல்கள் வெளிவந்துள்ளன.10 ஆண்டுகளாக ஒரே இடத்தில் தொழுகை நடத்துவதால் எதிர்காலத்தில் முஸ்லிம்கள் பள்ளிவாசல் கட்டிவிடுவார்கள். எனவே அவர்களை ஒடுக்க வேண்டும் என சங்பரிவார் கும்பல் திட்டமிட்டே கலவரச் சூழலை உருவாக்கியிருக்கிறார்கள்.